Enno ein gong har vi fått feira påske og minnast det som skjedde i påsken. Det store frelsesverket, Jesu liding, død og seierrike oppstode for oss, I Rom .8.34 les vi : «Kristus er den som er død, ja, meir enn det, som og er stått opp, som og er ved Guds høgre hand; som og går i forbøn for oss».
Jesus tok straffa for våre synder på seg då han døde på korset. Hadde det stoppa med at Jesus døde, «då har de ei unyttig tru og då er de enno i syndene dykkar» les vi i 1.Kor 15. Men det stoppar ikkje der. «Men no er Kristus stått opp frå dei døde!» (1.Kor.15)
Vi har ein levande Frelsar. I mange songar syng vi påskebodskapen. Eg siterer nokre i denne andakten:
«Gud ga sin Sønn, hans navn er Jesus. I kjærlighet kom han til vår jord.
Han ga sitt liv for å gi oss frelse. Hans tomme grav beviser at han lever i dag».
Før Jesus for opp igjen til himmelen fekk mange møta han. Jesus ønsker å få møta den enkelte av oss. Vi kan mellom anna møta han i Ordet. «Sett meg så jeg ser deg Jesus i ditt guddomsord, Tal til meg og Ia meg høre du i Ordet bor».
Det er godt for alle som kan sei med songaren : «Så fikk jeg den levende møte, å salige ,salige stund». (Sangboken nr,680)
Jesus ønsker å få vera med oss kvar dag her på jord, og få oss med til himmelen. Vi syng om det og:
«Han lever, Han lever, den Herre Jesus Krist. Hver dag jeg får, han med meg går, og bær meg hjem til sist.
Han lever, han lever, i frelsen gir meg del. Du spør meg , hvordan vet du det, Han lever i min sjel». (Sangboken 670)
Jesus er oppstoda og livet. Han kan gje evig liv til alle som trur på han. Måtte påskebodskapen igjen og igjen få fylla oss med glede, takk og begeistring. Eg avsluttar med koret på sangen «Gud ga sin Sønn». Der syng vi slik:
«Min Jesus lever, derfor vil jeg leve. Min Jesus lever derfor er jeg trygg.
Min framtid er i Jesu hender. Mitt liv er verdt leve for han elsker meg».
Reidun Skurtveit
Illustrasjon frå FreeBibleImages